អេស្កាវ៉ាទ័រសំអាតដីចម្ការជាន់មីនតោនផ្ទុះ ដាច់កង់មួយចំហៀង សំណាងល្អតៃកុងរួចផុតពីគ្រោះថ្នាក់
04-July-2019 | ដោយ ពលមនសិការ
ឧត្ដរមានជ័យ៖ អេស្កាវ៉ាទ័រសំអាតដីចម្ការជាន់មីនតោនផ្ទុះ ដាច់កង់មួយចំហៀង សំណាងល្អតៃកុងរួចផុតពីគ្រោះថ្នាក់។ ហេតុការណ៍នេះ បានកើតឡើងកាលពីវេលាម៉ោង១៥និង ៣០នាទីល្ងាចថ្ងៃទី០៣ ខែកក្កដា ឆ្នាំ២០១៩ នៅចំណុចអូរ ហាសិប ស្ថិតក្នុងភូមិប្រាសាទ ក្រហមសែនជ័យ ឃុំព្រះ ប្រឡាយ ស្រុកត្រពាំងប្រាសាទ ខេត្តឧត្ដរមានជ័យ។
សមត្ថកិច្ចបានឲ្យដឹងថាករណីផ្ទុះមីនតោនខាងលើបណ្តាលមកពីអេស្កាវាទ័រ ១គ្រឿងបើកបរដោយឈ្មោះ ទុយ តុលា ភេទប្រុស អាយុ៣០ឆ្នាំ មានទីលំនៅភូមិក្រសាំងថ្មី ឃុំជប់បូរ ស្រុកព្រះនេត្រព្រះ ខេត្តបន្ទាយមានជ័យ បានបើកទៅ កាយព្រៃសំអាតដី ក្នុងចម្ការខណៈកំពុងកាយព្រៃស្រាប់តែ បរទៅកិនចំពីលើមីនតោនបណ្តាលឲ្យផ្ទុះតែម្ដងនិងបានបង្ក ការខូចខាត អេស្កាវ៉ាទ័រ ដាច់ច្រវាក់ផ្នែកខាងឆ្វេងចំណែក តៃកុងពុំមានរងរបួសនោះឡើយ។
ក្រោយកើតហេតុភ្លាមៗនោះកម្លាំងប៉ុស្តិ៍នគរបាលរដ្ឋបាល ឃុំព្រះប្រឡាយ បានចុះទៅពិនិត្យដល់កន្លែងកើតហេតុនិង អាចបញ្ជាក់បានថាបង្កឡើងដោយមីនតោនដែលគ្រប់យុទ្ធភណ្ឌកប់ក្រោមដី នាសម័យសង្គ្រាមពិតប្រាកដមែន ៕
ចំនួនអ្នកទស្សនា
- ថ្ងៃនេះ71
- ម្សិលមិញ12101
- សប្តាហ៍នេះ12181
- ខែនេះ127331
- ឆ្នាំនេះ127331
- សរុប20569787